Excerpt 5 : Speech by the Jealous Husband

N’encor n’avoit fet roi ne prince

Meffez qui l’autrui tost et pince.

Trestuit pareill estre soloient,

Ne rien propre avoir ne voloient.

Bien savoient cele parole

Qui n’est mencongiere ne fole,

Qu’onques amor et seigneurie

Ne s’entrefirent compaignie

Ne ne demorerent ensemble:

Cil qui mestroie les dessemble.

Por ce voit l’en² des mariages

Dont li mariz cuide estre sages:

Et chastie³ sa fame et bat

Et la fet vivre en tel debat

Qu’il li dit qu’el est nice et fole

Dont tant demore a la quarole

Et dont el hante si sovent

Des jolis vallez le covent,

Que bone amour n’i peut durer,

Tant s’entrefont maus endurer

Quant cil veut la mentrise avoir

Du cors sa fame et de l’avoir:⁴

‘Trop cestes,’⁵ fet il, ‘vilotiere,

Si ravez trop nice maniere.

Quant suit en mon labor alez,

Tantost espinguez et balez

Et demenez tel resbaudie

Que ce semble grant⁶ ribaudie,

Et chantez comme une sereine.

Dex vous mete en male semeine!

Et quant vois a Rome ou en Frise

Porter nostre marchaandise,

Vous devenez tantost si cointe⁷

Car ie sai bien qui m’en acointe

Que partout en vet la parole.

Et quant aucuns vous apparole

Por quoi si cointe vos tenez

En touz les leus ou vous venez

Vous responez ‘Hari! hari!

C’est pour l’amor de mon mari!’

Pour moi! Las! dolereus chetis!

Qui set se ie forge ou ie tis

Ou se ie sui ou morz ou vis?

L’en me devroit flatir ou vis

Une vesie de mouton!

Certes ie ne vaill ·i· bouton

Quant autrement ne vous chasti.

Moult m’avez or grant⁸ los basti

Quant de tel chose vous vantez:

Chascuns set bien que vous mantez!

Pour moi! Las, doulereus! Pour moi!

Maus granz de mes mains enformoi

Et cruieusement me deçui

Quant onques vostre foi reçui

And when I go off to Rome or Friesland with our merchandise, then immediately you become very coquettish – for word of your conduct goes around everywhere, and I know through one who tells me of it – and when anyone speaks about the reason that you conduct yourself so demurely in all the places you go, you reply, ‘Alas! Alas! It is out of love for my husband.’ For me, sorrowful wretch that I am? Who knows whether I forge or weave, whether I am dead or alive? I should have a sheep’s bladder shoved in my face. Certainly I am not worth one button if I don’t scold you. You have created a great reputation for me when you boast of such a thing. Everyone knows very well that you lie. For me, sorrowful wretch! For me! I formed evil gauntlets with my own hands and deceived myself cruelly when I obtained your faith on the day of our marriage.

Le ior de nostre mariage.

Pour moi menez tel rigolage?

Pour moi menez vous tel bobant?

Qui cuidez vous aler lobant?

Ja n’ai ie pas lors le poair

De ces cointeries voair,

Qui⁹ cil ribaut saffre et friant,

Qui ces puteins vont espiant,¹⁰

Ontor vous remirent et voient,

Quant par ces rues vous convoient.

A cui parez vous ces chastaignes?

Qui me peut fere plus d’engaignes?

Vous fetes de moi chape a pluie!

Quant orendroit lez vous m’apuie,

Je voi que vous estes plus simple

En cet sercot, en cele guimple,

Que turterele ne coulons:

Ne vous¹¹ s’il est corz ou lons

Quant sui touz seus lez vous plaisanz.¹²

Qui me donroit ·iiij· besanz,

Conbien que debonere saie,

Se pour honte ne le laissaie,

Ne me tendroie de vous batre

Pour vostre grant orguell abatre.

Si sachiez qu’il ne me plest mie

Qu’il ait seur vous nule cointie

Soit a quarole soit a dance,

Fors seulement a ma presance.

D’autre part, nou puis plus celer,

Entre vous et ce bacheler

Robichonet, au vert chapel,

Qui si tost vient a vostre apel,

Avez vous terres a partir?

Vous ne poez de lui partir:

Touriorz ensemble flaiolez!

Ne sai que vous entrevolez,

Que vous poez vous entredire!

Tout vis m’esteut enragier dire¹⁴

Par vostre fol contenement.

Par icelui dieu qui ne ment,

Se vous iames parlez a li,

Vous en avrez le vis pali,

Voire certes plus noir que meure,

Car des cops, se dex me sequeure,

Ainz que ne vous ost le¹⁵ musage,

Tant vous donre par ce visage¹⁶

Qui tant est as musarz plesanz,

Que vous tendroiz coie et tesanz!

Ne iames hors sanz moi n’irez,

Mes a l’ostel me servirez,

An bons aneaus de fer rivée.

Deable vous font si privée

De cel ribauz pleins de losange

Dont vous deüssiez estre estrange.

Ne vous pris ie pour moi¹⁷ servir?

Cuidez vous m’amor deservir

Pour acointier cel orz ribauz

Pour ce qu’il ont les queur si bauz

Et qu’il vous vous¹⁸ retreuvent si baude?

Vous estes mauvese ribaude!

The devils make you very intimate with those ribalds, full of flatteries, toward whom you ought to be distant. Didn’t I take you to serve me? Do you think that you deserve my love in order to consort with these dirty ribalds because they have such gay hearts and find you so gay in turn? You are a wicked ribald,

Si ne me puis en vous fier;

Maufe me firent marier!

Ha! se Theofrasteus creüsse,

Ja fame espousee n’eüsse:

Il ne tient pas moult¹⁹ home pour sage

Qui fame prent par²⁰ mariage,

Soit bele ou lede,²¹ ou povre ou riche,

Car il dit et pour voir la fiche²²

En son noble livre Aureole

Qui bien fet a lire en escole,

Qu’il y a vie trop grevaine,

Pleine de travaill et de paine

Et de contens et de riotes

Par les orgueuz des fames sotes,

Et de dangiers et de reproches

Qu’el font et dient par leur boches,

Et de requestes et de plaintes

Qu’el treuvent par achesons maintes.

Si ra grant paine en eus garder,

Pour leur fous volairs retarder.

Et qui veult povre fame prendre,

A nourir la l’esteut entendre

Et a vestir et a chaucier.

Et s’il tant se cuide essaucier

Qu’il la preigne riche forment,

Au soffrir l’ara grant torment,²³

Tant la trouve orgueilleuse et fiere

Et seurquidée et bobanciere.

S’el rest²⁴ bele, tuit y aqueurent,

Tuit la porsuivent, tuit l’anneurent,

Tant²⁵ i hurtent,²⁶ tuit i travaillent,

Tuit i luitent,²⁷ tuit i bataillent

Tuit a li servir s’estudient,

Tuit li vont entor,²⁸ tuit la prient,

Tuit i musent, tuit la couvoitent;

Si l’ont en la fin, tant esploitent,

Car tour de toutes parz assise,

Enviz eschape d’estre prise.

S’el rest²⁹ lede, el veult a touz plere;

Et comment porroit nus ce fere

Qu’il gart chose que tuit guerroient

Ou qui veult touz ceus qui la voient?

S’il prent a tout le monde guerre,

Il n’a poair de vivre en terre.

Nus nes garderoit d’estre prises,

Pour tant qu’il fussent bien requises.

Penelope neïs prendroit

Qui bien a lui prendre entendroit;

Si n’ot il meilleur fame en Grece.

Si feroit il,³⁰ par foi, Lucrece,

Ja soit ce qu’el se soit occise

Pour ce qu’afforce l’avoit prise

Li filz au roi Tarquinius.

N’onc, ce dist Tytus Livius,

Mariz ne peres ne paranz

Ne li porent estre garanz

Pour pene que nus i meïst,

Que devant eus ne s’oceïst.

Du deul lessier moult la requistrent,

Moult de beles resons li distrent.

Et ses mariz meesmement

La confortoit piteusement

Et de bon queur li pardonoit

Tout le fet, et li sarmonoit

Et s’estudioit a trouver

Vives resons a lui pruver

Que ses cors n’avoit pas pechié

Quant li queurs ne volt le pechié

Car cors ne peut estre pechierres

Se li queurs n’en est consentierres;

Mes ele qui son duel menoit,

·i· coustel en son sain tenoit

Repoust, que nus ne le veïst

Quant pour soi ferir le preïst;

Si leur respondi sanz vergoigne:

Biau seigneur, qu’an³¹ me pardoingne,

L’ort pechié don si fort me poise,

Ne comment que du pardon voise,

Je ne m’en pardoing pas la peine;

Lors fiert, de grant angoisse pleine,

Son queur, et le fant si se porte³²

Devant eus a la terre, morte.

Mes ainz pria qu’il travaillassent

Tant pour lui, que sa mort venchassent.

Cest example voust procurer

Pour les fames asseürer

Que nus par force nes eüst³³

Qui de mort mort morir ne deüst;³⁴

Don li rois et ses filz en furent

Mis en essill et la morurent,

N’onc puis roumain par³⁵ ce deroi

Ne voudrent fere a Rome roi.

Si n’est il mes nule Lucrece,

Ne Penelope nule en Grece

Ne preude fame nule en terre,³⁶

Se l’en les savoit bien requerre.³⁷

N’onc fame ne se deffandi

Qui bien a lui prandre antandi:

Ainsit le dient li paien

N’onques nus n’i trova maien.

Maintes neïs par eus se baillent.

Quant le requerreurs deffaillent.³⁸

Et cil qui font le mariage,³⁹

Si ront trop perilleus⁴⁰ usage

Et coustume si despareille,

Quel⁴¹ me vient a grant merveille.

Ne sai don vient ceste folie,

Fors de rage et de desverie.

Je voi que qui cheval achete

N’iert il⁴² ia si fols que riens i mete,

Comment que l’en l’ait bien covert⁴³

Se⁴⁴ tout nou voit a descovert;

Par tout le regarde et espreuve.⁴⁵

Mes l’en prent fame sanz espreuve,

Ne ia ni sera descoverte

Ne pour gaaigne ne pour perte,

Ne pour soulaz ne pour mesese,

Pour ce sanz plus qu’il desplese,⁴⁶

Devant qu’ele soit espousée.

Et quant el voit la chose outrée,

Lors primes moutre sa malice,

Lors pert s’el a sus soi⁴⁷ nul vice,

Lors fet au fol ses meurs sentir,

Quant riens n’i vaut li repentir.

Si saige⁴⁸ bien certenement,

Conbien qu’el se maint sagement,

N’est nus qui mariez se sente,

S’il n’est fols, qui ne s’en repente.

Prendre fame,⁴⁹ par saint Denis!

Dont il est mains que de fenis,

Si com Valerius tesmoingne,

Ne peut nul amer qu’el nel poigne

De granz paors et de granz cures

Et d’autres meschaances dures.

Mains que de fenis? Par ma teste,

Pour compareison plus honeste,

Voire mains que de blans corbiaus,

Conbien qu’il aient les cors biaus!

Et nepourquant, quoi que i’en die,

Pour ce que ceus qui sont en vie

Ne puissent dire que ie queure

A toutes⁵⁰ fames trop aseure,⁵¹

Qui preudefame veult connoistre,

Soit seculiere ou soit de cloistre,⁵²

Se travaill veult metre en lui querre,

C’est oiseaus cler semez en terre,

Si legierement connoissable

Qu’il est au cine noir senblable.

Juvenaus neist le conferme⁵³

Qui redist par santance ferme:

Se tu trueves chaste moillier,

Va t’an au temple agenoiller

Et Jupiter anclins aeure,

Et de sacrefier labeure

A Iuno la dame honorée

Une vache toute dorée,

vQu’onc plus merveilleuse avanture

N’avint a nulle creature.⁵⁴

Et qui veult les males amer,

Donc de ça mer et dela mer

Si com Valerius raconte

Qui de voir dire n’a pas honte

Sunt essain plus grant que de mouches

Qui se requeillent anz⁵⁵ leur rouches

A quel chief en cuide il venir?

Mal se fait a tel rain tenir,

Et qui s’i tient, bien le recors,

Il en perdra l’ame et le cors.

Valerius qui se douloit

De⁵⁶ ce que Ruffin que Ruffin⁵⁷ se vouloit

Marier, qui ses compainz iere,

Li dist une parole fiere:

‘Diex touz poissanz,’ fet⁵⁸ il, ‘amis!

Gart que tu ne soies ja mis

Es laz de fame tout poissant,

Toutes choses par art froissant!’

Juvenaus meïsmes escrie⁵⁹

A Posthumus qui se marie:

‘Posthumus, veuz tu fame prandre?

Ne peuz tu pas trouver a vandre

Ou harz ou cordes ou chevestres,

Ou saillir hors par les fenestres

Donc l’en peut haut et loign voair,

Ou lessier toi dou pont choair?

Quel forsenerie te maine

A cest torment, a ceste paine?’

Li rois Phoroneus meïsmes

Qui, si comme nous apreïsmes,

Ses lais au peuple grec dona,

Ou lit de sa mort sarmona

Et dit a son frere Leonce:

‘Frere,’ fet⁶⁰ il, ‘ie te denonce⁶¹

Que tres beneürez morusse

S’onq fame espousee n’eüsse.’

Et Leonce tantost la cause

Li demanda de ceste clause:

‘Tuit li mari,’ dist il, ‘l’espreuvent

Et par expiremenz la⁶² treuvent,

Et quant tu avras fame prise

Tu le savras bien a devise.’

Pierres Abailarz reconfesse

Que seur Heloÿs, abbeesse

Du paraclit, qui fu s’amie,

Acorder ne se voloit mie

Pour riens qu’il la preïst a fame;

Ainz li fesoit la jeune dame

Bien antendanz et bien letrée

Et bien amanz et bien amée,

Argumenz a lui chastier

Qu’il se gardast de marier,

Et li prouvoit par escritures

Et par resons, que trop sont dures

Condicions de mariage,

Conbien que la fame soit sage

Car les livres avoit veüz

Et estudiez et seüz,

Et les meurs feminins savoit,

Car tretouz en soi les avoit.

Et requerroit qui il l’amast

Mes que nul droit n’i reclamast

Fors que de grace et de franchise,

Sanz seigneurie et sanz mestrise

Si qu’il peust estudier

Touz siens, touz frans, sanz soi lier

Et qu’el rentendist a l’estuide,

Qui⁶³ de science n’iert pas vuide.

Et li redisoit toutesvoies

Que plus plesanz ierent leur ioies⁶⁴

Et li solaz plus encroissaient,

Quant plus a tart s’entreveoient.

Mes il, si comme escrit nous a,

Qui tant⁶⁵ l’amoit que puis l’espousa

Contre son amonestement.

Si l’en meschai malement,

Car, puis qu’el fu, si comme semble,⁶⁶

Par l’acort d’ambedeus ensemble,

D’Argentuell nonain revestue,

Fu la coille a Pierre tolue

A Paris en son lit de nuiz,

Dont mout ot travauz et enuiz.

Et fu puis ceste meschaance

Moines de Saint Denis en France

Puis abbes d’une autre abbaie

Puis fonda ce dit, a sa vie,⁶⁷

Une abbaie renommée

Quel a⁶⁸ du paraclit nomée,

Dom Heloÿs fu abbeesse,

Qui devant iert nonain professe.

Ele meïsmes le raconte

En escrit et n’en a pas honte,

A son ami que tant amoit

Que pere et seigneur le clamoit,

Une merveilleuse parole,

Que moult de genz tendront a fole,

Qu’il est escrit en ses espitres,

Qui bien cercheroit les chapistres,

Qu’el li manda par letre expresse,

Puis qu’el fu neïs abbeesse:

‘Se li empereres de Rome

Souz cui doivent estre tuit home

Me daigneit voulair prendre a fame

Et fere moi du monde dame,

Si vodroi ie mieuz,’ fet⁶⁹ ele

‘Et dieu a tesmoign en apele,

Estre ta putain apelée

Qu’empereriz coronée.’

Mes ie ne croi mie, par m’ame,

Conques puis fust nule⁷⁰ tel fame.⁷¹

Si croi ie que la letreüre

La mist a ce que sa nature,

Que des meurs femenins avoit,

Vaincre et donter mieuz en savoit.

Ceste, se pierres la creüst,

Onc espousée ne l’eüst.

But, by my soul, I do not believe that any such woman ever existed again. And I think that her learning put her in such a position that she knew better how to overcome and subdue her nature, with its feminine ways. If Pierre had believed her, he would never have married her.

Mariages est maus liens,

Ainsit m’aïst sainz Juliens

Qui pelerins erranz herberge,

Et sainz Lienarz qui desferge

Les prisonniers bien repentanz

Quant les voit a soi dementanz.

Mieuz me venist estre alez pendre

Le ior que ie dui fame prendre,

Quant si cointe fame acointai.

Morz sui quant fame si cointe ai!

Mes par le filz seinte Marie,

Que me vaut ceste cointerie,

Cele robe couteuse et chiere

Qui si vous fet haucier la chiere,⁷²

Qui tant me grieve et atahine,

Tant est longue et tant vous traÿnne,

Pour quoi tant d’orguell demenez

Que i’en deviegn tout forsenez?

Que me fet ele de profit?

Conbien qu’el aus autres profit,

A moi ne fet ele for nuire,

Car quant me veill a vous deduire,

Je la treuve si encombreuse,

Si grevaigne⁷³ et si enuieuse

Que ie n’en puis a chief venir:

Ne vous i⁷⁴ puis a droit tenir,

Tant me fetes et torz et guanches,

De bras, de trumeaus et de hanches

Et tant vous alez detortant!

Ne sai comment ce va, forz tant

Que bien voi que ma druerie

Ne mes solaz ne vous plest mie.

Neïs au sair quant ie me couche,

Ainz que vous reçoive en ma couche

Si com preudons fet sa moillier,

La vous couvient il⁷⁵ despoillier,

N’avez seur chief, seur cors,⁷⁶seur hanche,

C’une coife de teile blanche

Et les treçons indes ou verz,

Espoir, souz la coife couverz:

Les robes et les pennes grises

Sont lores a la perche mises,

Toute la nuit pendanz a l’air.

Que me peut lors tout ce valair,

Fors a vendre ou a engagier?

Vif me vaez⁷⁷ vous enragier

Et morir de la⁷⁸ male rage

Se ie ne vent tout et engage!⁷⁹

Car puis que par jor si me nuisent

Et par nuit point ne me deduisent,

Quel profit i puis autre atendre

Fors que d’engagier ou de vendre?

Ne vous, se par le voir alez,

De nule riens mieuz n’en valez

Ne de sens ne de leauté,

Non, par dieu! neïs⁸⁰ de biauté.

Et se nus hom pour moi confondre

Voloit opposer ou respondre

Que les bontez des choses bones

Vont bien es⁸¹ estranges persones

Et que biau guernement font beles

Les dames et les damoiseles,

Certes, quiconques ce diroit,

Je diroie qu’il mentiroit,

Car les biautez des beles choses,

Saient violetes ou roses

Ou dras de saie ou fleur de lis,

Si com escrit en livre lis,

Sunt en eus et non pas es dames;

Car savoir doivent toutes fames

Que ia fame, ior⁸² qu’ele vive,

N’aura fors sa biauté naïve,

Et tout autant di de bonté

Com de biauté vous ai conté.

Si di, pour ma parole ouvrir,

Qui voudroit ·i· fumier covrir

De dras de saie et de floretes

Bien colorées et bien netes,

Si seroit certes li fumiers,

Qui de puir est coustumiers,

Tex com avant estre soloit.

Et se nus hom dire vouloit:

‘Se li fumiers est lez par anz:

Dehors en est plus biaus paranz,

Tout ainsit⁸³ les dames se perent

Pour ce que plus beles enperent

Ou pour leur laidures repondre,’

Par foi, ci ne sai ie respondre

Fors tant que tel deception

Vient de la fole vision

Someone might want to say, ‘If this manure is ugly within, it appears more lovely without; and in just the same way ladies adorn themselves in order to appear more beautiful or to hide their ugliness.’ If someone were to say thus, I do not know, by my faith, how to reply, except to say that such deception comes from the foolish vision

Des euz qui parées les voient,

Par quoi li queur si s’en desvoient

Par la plesant impression

De leur ymagination,

Qu’il n’i sevent apercevoir

Ne la mençonge ne le voir,

Ne le saphime⁸⁴ deviser

Par defaut de bien avisier.

Mes s’il eüssent euz de lins,

Ja pour leur manteaus sebelins,

Ne pour sercoz, ne pour coteles,

Ne pour guides⁸⁵ ne pour toeles,

Ne pour cheinses ne pour pelices,

Ne pour ioiaus ne pour devices,

Ne pour leur moes desguisées,

Qui bien lez avroit avisées,

Ne pour leur luisanz superfices

Dom el resemblent ardefices,

Ne pour chapiaus de fleus noveles,

Ne leur semblassent estre beles.

Car li cors Alcipiades,

Qui de beautez avoit adés

Et de coleur et de feture,

Tant l’avoit bien formé nature,

Qui dedenz veair le porroit,

Pour trop let tenir le vorrait:

Ainsic le raconte Boeces,

Sages hom et plein⁸⁶ de proeces,

Et tret a tesmoign Aristote

Qui la parole ainsi li note;

Car linx a la regardeúre

Si fort, si percent et si pure,

Qu’il voit tout quanque l’en li moutre

Et dehors et dedenz tout outre.

Si di qu’onques a nul aé

Biauté n’ot pes a chastaé.

Touriorz i a si grant tençon

Quonc⁸⁷ en fable ne en chançon

Oire n’oï ne recorder⁸⁸

Que riens les poüst acorder;

Qu’eus ont entr’eus si mortel guerre

Que i a l’une plein pié de terre

A l’autre ne lera tenir,

Pour qu’el puisse au desus venir.

Mes la chose est si mal partie

Que chastae, pour sa partie,

Quant assaut ou quant se revanche,

Tant set poi de luite et de guanche

Qu’il li convient ses armes randre,

Qu’el ne sa poair de deffendre⁸⁹

Contre biauté qui trop est fiere.

Ledeur neïs, sa chamberiere

Qui li doit honeur et servise,

Ne l’aime pas tant ne ne prise,

Que de son hostel ne la chace

Et li quert sus, au col la mace,

Qui tant⁹⁰ est grosse et tant li poise

Que merveilleusement li poise

Dom sa dame en vie demeure

La montance d’une seule heure.

C’est chastae trop mal baillie,

Qu’el est de ·ii·⁹¹ parz assaillie,⁹²

Si n’a de nule part secours,

Si l’en covient foir le cours,

Car el se voit en l’estor seule:

S’el l’avoit iuré sus sa gueule,

Seüst assez neïs de luite

Quant chascune encontre lui luite,

N’oseroit ele contretier,

Si qu’el n’i peut riens conquestier.

Laideur ait ore mal dahé

Quant si queurt sus a chastaé,

Que deffendre et tencer deüst.

Neis se mucier la peüst

Entre sa char et sa chemise,

Si li deüst ele avoir mise!

Moult refet certes a blamer

Biaute, qui la deüst amer

Et procurer, s’il li pleüst,

Que bonne pez entr’euls eüst.

Son poair au mens en feïst,

Ou qu’en sa merci se meïst,

Qu’el li deïst bien faire homage,

S’el fust preuz et cortoise et sage,

Non pas fere honte et vergoigne.

Car la letre neïs tesmoigne,

Ou sisiesme livre Virgile,

Par l’ auctorité de sebile,

Que nus qui vive chastement

Ne peut venir a dampnement.

Dom ie iur dieu, le roi celestre,

Que fame qui bele veult estre

Ou qui dou resembler se paine,

Et⁹³ se remire et se demaine

Pour soi parer et cointoier,

Qu’el veult chastaé guerroier,

Qui mout a certes d’anemies.

Par cloistres et par abbaies

Sunt toutes contre lui iurées:

Ja si ne seront enmurées

Que chastae si fort ne heent

Que toutes a honir la beent.

Toutes font a Venus homage

Sanz regarder preu ne domage,

Et se cointoient et se

fardent

Pour ceus boler⁹⁴ qui les regardent;

Et vont traçant parmi les⁹⁵ rues,

Pour voair, pour estre veües,

Pour fere⁹⁶ aus compaignons desir

De volair avec eus gesir.

Por ce portent eus les cointises

Aus caroles et aus iglises,

Car ia nule ce ne feïst

S’el ne cuidast qu’on la veïst

Et que pour ce plus tost pleüst

Ainceis⁹⁷ que decevoir peüst.

Mes certes, qui le voir en conte,

Moult font fames a dieu grant honte

Comme foles et desvaiées,

Quant⁹⁸ ne se tienent a paiées

De la biauté que dex leur done.

Chascune a sus son chief corone

De floretes, d’or, ou de saie,

Et s’enorgueillist et cointaie

Quant se va moustrant par la vile;

Pour quoi trop malement s’avile

La maleüree, la lasse,

Quant chose plus vile et plus basse

De soi, veult sus son chief atrere

Pour sa biauté craistre ou parfere.

Et vet ainsit dieu despisant,

Qu’el le tient pour non soffisant

Et se pense en son fol corage

Que moult li fist dex grant outrage

Qu’el quant biauté li compassa;⁹⁹

Trop negligenment¹⁰⁰ s’en passa.

Si quiert biauté des creatures

Que dex fet de plus vils figures,

Com de metauz ou de floretes

Ou d’autres estranges chosetes.

Sanz faille, ausic est il des homes :

Se nous, pour plus biaus estre, fomes

Les chapelez et les cointises

Seur les biautez que dex a mises

En nous, vers lui moult¹⁰¹mesprenons,

Quant a paiés ne nous tenons

Des biautez qu’il nous a donéées

Seur toutes creatures nées.

Mes ie n’ai de tex trufles cure.

Je veill soffisant vesteüre

Qui de froit et de chaut me gart.

Avant¹⁰² bien se dex me regart,

Me garentist et cors et teste,

Par vent, par pluie et par tampeste,

Forre d’agneaus cist miens bureaus,

Comme pars forre d’escureaus.

Mes deniers, ce me semble, pers,

Quant ie pour vous robe de pers,

De camelot ou de brunete,

De vert ou d’escallate achete

Et de ver et de gris les forre.

Ce vous fet en folie corre

Et fere les tourz et les moes

Par les poudres et par les boes:

Ne dieu ne moi riens ne prisiez.

Neïs la nuit, quant vous gisiez

En mon lit, lez moi, toute nue,

N’i¹⁰³ poez vous estre tenue:

Car quant ie vous veill embracier

Pour vous besier et soulacier,

Et sui plus forment eschaufez,

Vous rechiniez comme maufez

Ne vers moi pour riens que ie face,

Ne volez torner vostre face;

Mes si malade vous faingniez,

Tant souspirez, tant vous plaigniez

Et fetes si le dangereus,

Que i’en deviegn si poereus

Que ie ne vous ros assaillir,

Tant ai grant paour de faillir

Quant aprés dormir me resveille.

Mes trop me vient a grant merveille

Comment cil ribaut i avienent

Qui par ior vestue vous tienent,

Se vous ainsi vous detortez

Quant avec eus vous deportez,

Et se tant leur fetes d’enuiz

Comme a moi¹⁰⁴ de iorz et de nuiz.

Mes n’en avez, ce cuit, talent,

Ainz alez chantant et balant

Par ces iardins, par ces preaus,

Avec ces ribauz desleaus

Qui traÿnent ceste espousée

Par l’erbe vert a la rousée

Et me vont ileuc despisant,

Et par despit entr’eus disant:

‘C’est maugré l’ort vilain jalous!’

La¹⁰⁵ char soit or livrée a lous

Et les os as chiens enragiez,

Par qui sui si ahontagiez!

C’est par vous, dame pautoniere

Et par vostre fole maniere,

Ribaude, orde, vils, pute, lisse!

Ja vostre cors de cest an n’isse,

Quant a tex matins le livrez!¹⁰⁶

Par vous sui a honte livrez,

Par vous, par vostre lecherie,

Sui ie mis en la confrarie

Saint Hernoul le seigneur des cous

Dom nul ne peut estre rescous,

Qui fame ait, au mien esciant,

Tant l’aut gardant ne espiant,

Bien ait neïs d’euz ·i· millier.

Toutes se font hurtebillier,

Qu’il n’est garde qui riens i vaille;

Et s’il avient que li fez faille,

Ja la volentez ne faudra,

Par quoi, s’el peut, au fet saudra,

Car le volair toriorz enporte.

Mes forment, vous¹⁰⁷ en reconforte

Juvenaus, qui dit du metier

Que l’en apele rafetier,

Que c’est li mandres des pechiez

Dont queur de fame est entechiez;

Car leur nature leur commande

Que chascune a pis fere entande.

Ne voit l’en¹⁰⁸ comment les marrastres

Cuisent venis a leur fillastres

Et font charmes et sorceries

Et tant d’autres granz deablies,

Que nus nes porroit recenser,

Tant i seüst forment penser?

Toutes estes, serez, et¹⁰⁹ fustes

De fet ou de volente, pustes!

Car, qui que puist le fet estaindre,

Volente ne peut nus contraindre.

Tel avantage ont toutes fames,

Qu’el sont de leur volentez dames.

L’en ne vous peut les queurs changier,

Pour batre ne pour ledangier.

Mes qui changier les vous peüst,

Des cors la seigneurie eüst.

Or lessons ce qui ne peut estre!

Mes biaus douz dex, biaus rois celestre,

Des ribauz que porre ie fere,

Qui si¹¹⁰ me font honte et contraire?

S’il avient que ie les menace,

Que priseront il ma menace?

Se ie me vois a eus combatre,

Tost me porront tuer et battre,¹¹¹

Qu’il sont felon et outrageus,

De touz maus fere corageus,

Juenne, jolif, fol, et testu:

Ne me priseront ·i· festu,

Car juennece si les enflambe,

Qui de feu les emple et de flambe,

Et¹¹² touz leur fet par estovoir

Les queurs a folie esmovoir,

Et si legiers et si volanz

Que chascuns cuide estre Rolanz,

Voire Ercules, voire Sanson!

Si rorent cil ·ii·, ce panson,

Qu’il est escrit et jeu recors,

Resemblables forces de cors.

Cist Hercules avoit, selonc

L’aucteur Soli, ·vij· piez de lonc

N’onc ne pot a quantité graindre

Nus homz, si com il dist, attaindre.

Cist Hercules ot moult d’encontres:

Il vainqui ·xij· Horribles montres

Et quant ot vaincu le dozieme,

Onc ne pot chevir dou trezieme;

Ce fu de Deianira

S’amie, qui li descira

Sa char de veni toute esprise

Par la venimeuse chemise.

Si ravoit il pour Yolé

Son queur ia d’amors affole:

Ainsic fu par fame dontez

Hercules, qui tant ot bontez.

Ausic Sanson qui pas ·x· homes

Ne redoutast ne quel ·x· pomes

S’il eüst ses cheveuz eüz,

Fu par Dallida deceüz.

Si faz ie que fos de ce dire

Car ie sai bien que tire a tire

Mes paroles toutes direz,

Quant de moi departirez,¹¹³

Aus ribaus vous irez clamer

Et me porroiz¹¹⁴ fere entamer

La teste, ou les cuisses briser,

Ou les espaules encisier,

Se ia poez a eus aler.

Mes se i’en puis oïr paler,

Ainz que ce me soit avenu

Et li braz ne me sunt tenu

Ou li pestauz ne m’est ostez,

Je vous briseré les costez!

Amis ne voisin¹¹⁵ ne parant

Ne vous i seront ia garant

In the same way Samson, who, if he had had his hair, would have feared ten men no more than ten apples, was deceived by Dalila. I commit nothing but folly in saying these things, for I know very well that when you leave me you will recount, one after the other, all the things that I say. You will go crying to those wretches, and, if you ever can go to them, you can have my head laid open, my thighs smashed, or my shoulders gashed. But if I can hear word of it before it happens and if my arms are not held or my pestle removed, I will break your ribs. Neither friends, neighbors, nor relatives will ever be protection for you,

Ne vostre lecheur meïsmes.

Las! Pour quoi nous entremeïsmes?¹¹⁶

Las! De quele hore fui ie nez

Quant en tel vilté me tenez

Que cil ribaut mastin puant

Qui flatant vous vont et chuant,

Sunt si seigneur de vous et mestre,

Don seus deüsse sires estre,

Par cui de¹¹⁷ vous estes soutenue,

Vestue, chauciee et peüe,

Et vous m’en fetes parçoniers

Ces orz ribauz, ces pautoniers

Qui ne vous font se honte non!

Tolu vous ont vostre renon,

De¹¹⁸ quoi pas garde ne vous¹¹⁹prenez

Quant entre vos braz les tenez.

Par devant dient qu’il vous aiment

Et par deriers putain vous claiment

Et dient ce que pis leur semble

Quant il resunt entreuls ensemble,

Comment que chascuns d’eus vous serve,

Car bien connois toute leur verve.

Sanz faille, bien est veritez,

Quant a leur bandon vous gitez,

Il vous sevent bien metre a point,

Car de dangier en vous n’a point

Quant entrée estes en la foule

Ou chascuns vous herce¹²⁰ et defoule.

Il me prent, par foi, grant envie

De leur solaz et de leur vie!

My faith, I am overcome with envy of their comfortable life.

Mes sachiez, et bien le recors,

Que ce n’est pas pour vostre cors

Ne pour vostre donaiement:

Ainz est pour ce tant seulement

Qu’il ont le deduit des ioiaus,

Des fermauz d’or et des noiaus

Et des robes et des pelices

Que ie vous les com fos et nices.

Car quant vous alez as quaroles

Ou a voz assamblées foles

Et ie remaign com fos et yvres,

Vous i portez qui vaut ·c· livres

D’or, et d’argent seur vostre teste

Et commandez que l’en vous veste

De Kamelot, de ver, de gris,

Si que trestouz en amesgris

De mautalent et de soussi,

Tant m’en esmoi, tant m’en soussi.

Que me revalent ces gallantes,

Ces coifes a dorées bandes

Et ces diorez treçoers,

Et ces yvorins miroers,

Ces cercles d’or bien entailliez

Precieusement esmailliez,

Et ces corones de fin or

Dont enragier ne me fin or,

Tant sunt beles et bien polies,

Ou tant a beles perreries,

Safirs, rubiz, et esmeraudes,

Qui si vous font les chieres baudes?

Ces fermanz d’or a pierres fines,

A voz cous et a voz poitrines;

Et ces tessuz et ces ceintures

Dont tant coutent les ferreüres

Que l’or, que les pelles menues?

Que me valent tex fanfelues?

Et tant estrait vous rechauciez

Que la robe sovent¹²¹ hauciez

Pour moutrer voz piez aus ribauz!

Ainsic me confort¹²² saint Tibauz,

Com tout dedenz tierz ior vendra

Et vil et souz piez vous tendré!

N’aurez de moi, par le cors dé,

Fors cote et sercot de corde

Et une toele de chanvre;

Mes el ne sera mie tenvre,

Ainz sera grosse et mal tessue

Et descirée et recousue,

Qui qu’en face ne deul ne pleinte.

Et par mon chief, bien seroiz ceinte,

Mes dirai vous¹²³ de quel ceinture:

D’un cuir tout blanc sanz ferreüre!

Et de mes houseaus anciens

Raurez granz¹²⁴ solers a liens,

Larges a metre granz panufles.

Toutes vous ostere ces trufles

Qui vous donent occasion

De fere fornicacion!

Si ne vous irez plus moutrer

Pour vous fere aus ribauz voutrer.

Mes or me dites sanz contrueve:

Cele autre riche robe nueve

Dont l’autre ior si vous parastes,

Quant aus quaroles en alastes,

Car bien connois, et reson ai,

C’onques cele ne vous donai,

Par amors, ou l’avez vous prise?

Vous m’avez juré saint Denise

Et saint Philebert et saint Pere

Qu’el vous vint de par vostre mere

Qui le drap vous en envoia,

Car si grant amor en moi a,

Si com vous me fetes entendre,

Qu’el veult bien ses deniers despendre

Pour moi fere les miens garder.

Vive la face l’en larder,

L’orde vieille putain prestresse,

Maqueraus et charroierresse,

Et vous avec, par voz merites,

S’il n’est ainsic com vous le¹²⁵dites!

Certes, ie li demanderoie,

Mes en vain me travailleroie;

Tout ne me vaudroit une bille:

Tele la mere, tele la fille!

Bien sai, parlé avez ensemble;

Andois avez et bien le semble,

Les queurs d’une verge tochiez.

Bien sai de quel pie vous clochiez!

L’orde vielle putain fardée

S’est a vostre acort acordée.

I would certainly ask her, but I would exert myself in vain; the whole thing would not be worth a ball to me: like mother, like daughter.
I know that you have talked together, and it is obvious that you both have hearts touched by the same wand. I know with which foot you limp, and that dirty painted old whore agrees with your attitude;

Autre foiz a ceste hart torse;

De mainz mastins a esté morse,

Tant a duis¹²⁶ chemins traciez;

Mes tant est ses vis effaciez

Qu’el ne peut fere riens de sai,

Si vous vent ore, bien le sai.

Qu’el vient ceanz et vous enmaine

·iij· foiz ou ·iiij· en la semeine

Et faint noucaus¹²⁷ pelerinages

Selonc les ancians usages,

Car i’en sai trestout le convine;

Et de vous promener ne fine

Si com l’en fet destrier a vendre,

Et prent et vous ensaingne a prendre.

Cuidez que bien ne vous connoisse?

Qui me tient que ie ne vous froisse

Les os comme a¹²⁸ poucin en paste,

A cest pesteill ou a ce haste?’

Lors la prent, espoir, de venue,

Cil qui de mau talant tressue,

Par les treces, et sache et tire,

Ront li les cheveus et descire

Li ialous, et seur li s’aourse,

Pour noiant fust lions seur ourse,

Et par tout l’ostel la traine

Par corrouz et par ataine,

Et la ledange malement;

Ne ne veult pour nul serement

Recevoir excusacion,

Tant est de male entencion;

Ainz fiert, et frape, et roille, et maille

Cele qui bret, et crie, et baille

Et fet sa voiz voler au venz

Par fenestres et par auvenz;

Et tout quanqu’el fet li reprouche

Si com il li vient a la bouche,

Devant les voisins qui la vienent,

Qui pour fous ambedeus les tienent

Et la li tolent a grant paine

Tant qu’il est a la grosse alaine.

Et quant la dame sent et note

Ce torment et ceste riote,

Et ceste deduisant viele

Dont cist iuglierres li viele,

Pensez vous qu’el l’en¹²⁹ aint ia miauz?

El vodroit ia qu’il fust a Miauz

Voire certes en Romenie!

Plus diroi, que ie ne croi mie

Qu’ele le veille amer james:

Semblant, espoir, en fera, mes

S’il poait voler iusque nues¹³⁰

Ou si haut lever ses veues

Qu’il peust d’ileuc sanz choair

Touz les fez des homes voair

Et s’apensast tout par loisir,

Si faudroit il bien a choisir

En quel perill il est cheüz

S’il n’a touz les baraz veüz

Pour soi garantir et tenser

Dont fame se fet¹³¹ appenser.

S’il dort puis en sa compaignie,

Trop met en grant perill sa vie:

Voire en vaillant et en dormant

Se doit il douter trop formant

Qu’el nou face pour soi vanchier

Enpoisoner ou detranchier

Ou mener vie enlangorée

Par cautele desespérée,

Ou qu’el ne pent de s’enfoir

S’el n’en peut autrement joir.

Fame ne prise honor ne honte

Quant riens en la teste li monte,

Qu’il est veritez sanz doutance:

Fame n’a point de sciance.¹³²

Vers quan qu’el het ou quan qu’el aime,

Valerius neïs la claime

Hardie et artificieuse

Et trop a nuire estudieuse.

Conpainz, cist fos¹³³ vilains jalous,

Dont la char soit livrée a lous,

Qui si de jalousie s’ample

Com ci vous ai mis en example,

Et se fet seigneur de sa fame,

— Qui ne redoit pas estre dame

Mes sa pareille et sa compaingne,

Si com la loi les acompaingne,

Et il redoit ses compainz estre

Sanz soi fere seigneur ne mestre

Quant tex tormenz li appareille

Et ne la tient comme¹³⁴ pareille,

Valerius even claims that, toward whatever she hates and whatever she loves, a woman is bold, cunning, and studious of bringing injury to others. My friend, consider this mad jealous boor – may his flesh be fed to the wolves – so filled with his jealousy, as I have described him for you here in this story. He makes himself lord over his wife, who, in turn, should not be his lady but his equal and his companion, as the law joins them together; and, for his part, he should be her companion without making himself her lord or master.

Ainz la fet vivre en tel mesese,

Cuidez que il ne li desplese

Et que l’amor entreus ne faille,

Quoi qu’ele die? Oil, sanz faille:

Ja de sa fame n’iert amez

Qui sires veult estre clamez,

Car il couvient amors morir

Quant amanz veulent seigneurir.

Amor ne peut durer ne vivre

S’el n’est en queur franc et delivre.

Pour ce revoit l’en¹³⁵ ensement,

De touz ceus qui premierement

Par amors amer s’entreseulent,

Quant pues espouser s’entreveulent,

Enviz peut entreus avenir

Que la si Que la si¹³⁶ puisse amors tenir,

uant par amours amoit,

Seriant a cele se clamoit

Qui sa mestresse soloit estre;

Or se clame seigneur et mestre

Seur li, que sa dame ot clamée

Quant ele iert par amours amée.

‘Amée?’ – ‘Voire, en quel maniere?’

‘En tele, que se sanz priere

Li commandast: Amis, sailliez!

Ou, ceste chose me bailliez,

Tantost li baillast sanz faillir

Ou saillist s’el mandast saillir.

Voire neïs, quoi qu’ele deist,

Saillet il pour qu’elle veist,

Car tout avoit mis son desir

En fere li tout son plesir.

Mes quant sunt puis entrespousé,

Si com ci raconté vous é,

Lors est tornée la roële,

Si que cil qui seut servir cele

Commande que cele le serve

Ausinc com s’ele fust sa serve

Et la tient courte et li commande¹³⁷

Que de ses fez conte li rande,

Et sa dame ainçeis l’apela!

Anviz muert qui apris ne l’a.

Lors se tient cele a malbaillie

Quant se voit ainsi assaillie

Du meilleur, du plus esprouvé

Qu’el ait en cest monde trouvé,

Qui si la veult contrarier.

Ne se set mes en cui fier,

Quant sus son col son mestre esgarde,

Don onques mes ne se prist garde.

Malement est changié li vers;

Or li vient li geus si divers,

Si felons et¹³⁸ si estrangiez,

Quant cil li a les dez changiez,

Qu’el ne peut ne n’ose joer.

Conment s’en peut ele loer?

S’el n’obeïst, cil se corrouce

Et la ledange, et cele grouce :

Eztes les vos en ire mis

Et tantost par l’ire anemis.

When she sees her master on her neck, the man against whom she never took any precaution, she does not know whom to trust. The verse is changed for the worse. Now that he has changed the dice on her, the throws are so different, so cruel and strange, that she cannot and dare not play. How can she be happy? If she does not obey, he gets angry and berates her, and she grumbles. There they are, fallen into anger and straightway through anger become enemies.

Por ce, comaignz, li ancien,

Sanz servitute et sanz lien,

Pesiblement, sanz vilanie,

S’entreportoient compaignie,

N’il ne donassent pas franchise

por l’or d’Arrabe ne de Frise;

car qui tout l’or en voudroit prendre,

ne la porroit il pas bien vendre.

N’estoit lors nul pelerinage,

N’issoit nus hors de son rivage

Por cerchier¹³⁹ estrange contree;

N’onques n’avoit la mer passee

Jason, qui primes la passa,

Quant les navies compassa

Por la toison d’or aler querre.

Bien cuida estre pris de guerre

Neptunus, quant les vit nagier;

Triton redut vis enragier,

Et Dorys et toutes ses filles.

Por les merveilleuses semilles

Cuidierent tuit estre trahi,

Tant furent forment esbaï

Des nés qui par la mer voloient

Si con li marinier vouloient.

Mes li prumier, don je vos conte,

Ne savoient que nagier monte.

Trestout trovoient en leur terre

Quan que leur sembloit bon a querre;

Riche estoient tuit egaument

Et s’entramoient loiaument.

Ausinc pesiblement vivoient,

Car naturelment s’entramoient,

Les simples genz de bone vie.

Lors iert amor sanz symonie,

L’un ne demandoit riens à l’autre,

Quant Baraz vint lance sus fautre

Et Pechiez et Male Aventure,

Qui n’ont de Soffisance cure.

Orgueill, qui desdaigne pareill,

Vint avec o grant apareill,

Et Covoitise et Avarice,

Envie et tuit li autre vice,

Si firent saillir Povreté

D’enfer, ou tant avoit esté

Que nus de li riens ne savoit

N’onques en terre esté n’avoit.

¹This excerpt corresponds to lines 8459 to 9542 in Armand Strubel’s edition and Vol. II, lines 8414 to 9508 in Félix Lecoy’s edition.

²on

³Il chastoie

⁴et del avoir

⁵estes

⁶estre

⁷Puis vous devenez tantost si cointe

⁸bon

⁹Que

¹⁰Qui vont ces pustains espiant

¹¹Ne vous chaut

¹²lez vous gesanz

¹³‘Chaut’ is missing here, however, the sentence does not make any sense without it

¹⁴Tout vis m’estuet enragier d’ire

¹⁵cest

¹⁶Vous donrai tant par cel visage

¹⁷movi

¹⁸Second ‘vous’ missing

¹⁹moult is missing

²⁰en mariage

²¹Soit laide ou bele

²²Car il dist pour voir et affiche

²³A souffrir l’a a grant torment

²⁴est

²⁵tuit

²⁶luitent

²⁷hurtent

²⁸Tuit vont entour li

²⁹est

³⁰on

³¹qui que

³²si le fant et se porte

³³Que par force nus nes eüst

³⁴Second ‘mort’ missing

³⁵pour

³⁶Ne nulle preude fame en terre

³⁷Se on la vouloit bien requerre

³⁸Quant requerreours leur deffailent

³⁹les mariages

⁴⁰merveilleus

⁴¹Que ce

⁴²‘il’ is missing

⁴³Conbien que l’en li ait couvert

⁴⁴Que

⁴⁵descuevre

⁴⁶Mais pour ce qu’el ne li desplaise

⁴⁷en li

⁴⁸sai je

⁴⁹Manuscript BN f.fr. 387 reads “Preudefame”.

⁵⁰trestoutes

⁵¹seure

⁵²Soit seculiere ou soit en cloistre

⁵³Juvenaus le dist et conferme

⁵⁴A Iuno la dame honorée / Une vache toute dorée, / Qu’onc plus merveilleuse avanture / N’avint a nulle creature. Is added at the bottom of the folio.

⁵⁵en

⁵⁶Pour

⁵⁷Second ‘que Ruffin’ is missing.

⁵⁸dist

⁵⁹s’escrie

⁶⁰dist

⁶¹defiance

⁶²le

⁶³Car

⁶⁴voies

⁶⁵‘qui’is missing.

⁶⁶com moi samble

⁶⁷Puis aprés fonda, a sa vie

⁶⁸Qui est

⁶⁹dist

⁷⁰une

⁷¹dame

⁷²Qui si haucier vous fait la chiere

⁷³tres grevaine

⁷⁴i is missing.

⁷⁵il is missing.

⁷⁶N’avez seur cors, sor chief

⁷⁷volez

⁷⁸de tres

²Se je ne les vent ou engage

⁸⁰mie

⁸¹aus

⁸²pour

⁸³ausi